ГӏалгӀайчен спортивни латара Федераце болхлой хийцар
26.06.2025 14:46
Спортивни латара федераце балха даькъ тӀа хувцамаш хилар. Вице-президента дарже эттар Арсамаканаькъан Ахьмад, яхаш, хоам «Сердало» газетага мехка спорта Министерстве.
«Спорта министра, иштта федераце президента болх дӀахьош волча Белхарой Руслана теркам тӀабахар Арсмаканаькъанчоа, хӀана аьлча из дукхача хана денз тайп-тайпарча кхетаченашка новкъостал лоаттадеш а, латархошта гӀо деш а хьавоагӀа. Из доацаш а, цо дукха кхетаченаш вӀашагӀйохкача новкъостал даьд», - аьлар хоамо.
Белгалду, керда хержа кулгалхочун гӀонча ший хана дунен Хьалхален дошо совгӀат даьккха ва, из ва лоӀамеча латара дуненна Кубок яьккха, халкъашта юкъерча спорта мастер.
