Керттера урамаш тоадеш боахк Галашка
17.09.2025 10:47
Галашкара урамаш тоадеш ба болхлой. Бахархоша дехар даь, урамашка боад эттача сийрда хургйолаш, къахьегаш боахк тахан. Из хоам «Сердалога» бир цу моттигерча администраце.
«Бахархой дехарах дӏахьош бола болх селхан дӏаболабир. Къоастой Ширване, Сайт-Ибрахӏима цӏерах долча урамашкара лампаш хувцаш латт», - дийцар тхога.
Юрта кулгал деча Оздой Мусас яхачох, 2021-ча шера юрта массанахьа лампаш ехкаяр цар; бакъда ха дӏаяхарца тахан хувца езача хьале эттай уж.
