ГӀаьзе-Коара наькъаш тоаду балхаш чакхдаьлар
ГӀаьзе-Коарча МутаӀаланаькъан, Базорканаькъан цӀерах долча урамашка, 1000 метрага кхоачаш асфальт Ӏобуллаш баьхкар болхлой. Наьсарен кхален кулгалхочунга бахархоша дехар даь, чакхбоаккхаш бар из болх. «Сердалога» из хоам бир цу моттигера.
«МутаӀаланаькъан цӀерах болча урам тӀа хӀанз 700 метрага кхоачаш керда никъ ба; Базорканаькъан цӀерах болча урам тӀа, 350 метрага кхоачаш никъ биллар. ДӀа-хьа аха паргӀата долаш, хьадийлла да наькъаш», - йоах тхогарча хоамо. Юртарча администраце белгалдечох, керда наькъаш бахархошта паргӀато луш, кхерамзлен хьал тоадеш хургда.
Карарча хана кхыдола балхаш да юрта дӀадоладаь. Кастта керда, 250 м бола гӀашлой никъ хургба Осканаькъан цӀерах болча урам тӀа, Угурчанаькъан цӀи лелаеча урам тӀа догӀан хиш дӀаухаргдолаш гӀирсаш оттадергда.
