«Наха низ ца бу Дуне» яха асфальта тӏарча суртех йола яхьаш дӏайихьар Гӏаьзе-Коа
«Наха низ ца бу дуне» яха асфальта тӏа дехкача суртий яхьаш дӏайихьар Гӏаьзе-Коарча культуран цӏагӏа. Сурташка гӏолла маьрша, зуламаш доаца дуне мишта хила деза хьагойтар юртарча бераша культуран цӏен коа. Тайп-тайпара бесаш долча мелашца, дикка къахьийгар цар шоай начӏал хьахьокхаш.
Хӏара сурт ший дего хьахьеххача тайпара дилладар цар. «Наьсарен кхалерча администраце терроризм яхача доккхача зулама духьала къовсам лоаттабеча оагӏон кулгалдеш вола Хьоашаланаькъан А. вар цига дакъа лоацаш. Цо белгалдир, из бӏеха гӏулакх вайна юкъера хоададаь дӏадаккхар эггара лоархӏамегӏа дарех долга», - дийцар «Сердалога» кхетаче дӏайихьараша.
Гӏаьзе-Коарча берашта дийцар сага вахар дохадеча цу зуламах. Хӏара саг цу хӏаманна духьала къовсам лоаттабеш хила везилга хьалхадаьккхар боккхийбараша. Шоай сурташца бераша хьахьекхар, терроризм яхар дунен тӏа эггара доккхагӏа дола зулам долга, ший дегӏаца адамал дола саг цу тайпарча хӏаман юкъе гӏоргвоацилга.
