Илдарха-ГӀалий тӀарча МКД газа турба чу хий эттад
28.06.2024 11:49
Газ яц, яхаш, латкъаш хиннача 32-ча, 33-ча вӀаштӀара даьча цӀеношкарча бахархошца кхетаче йир шахьара да волча Дидиганаькъан Ахьмада. Из хоам «Сердалога» бир мэре.
«Этта хьал ма дарра тахка аьнна, хьабийхар Наьсарерча Газпрома болхлой. Газ дӀайоаяь хиннай, наьха кхерамзле лорае дагахьа.
Газа турба чу хий чудаьннад, хӀаьта из цу чу нийсдалара бахьанаш дувца эттача, бойлер е газа колонка харцахьа дӀатӀахетталга хила деза, аьнна, соцам бир», - йоах хоамо. Цу цӀеношкара еррига моттигаш тохкаш болх дӀабахьа безаш да гӀулакх.
Шахьара кулгалхочо болхлошта тӀадиллар, ма хулла сихагӀа из болх йистебаьккхе, наха газ дӀале, аьнна.
