Дагалоаттама денна хетаяь кхетаче дIайихьар, «Марем» яхача гимназе
23.06.2025 11:48
Шахьара администраце вахара оагIонцарча болхлоша «Марем» гимназе дIайихьар дагалоаттама, дега Iоткъам хиннача денна хетаяь кхетаче.
«Бовза вай турпалхой» яха викторина чулоацаш, программа кийчъяьяр цига, тIема ханаш ювцаш дола исторецара дувцараш, байташ ешаш; ха дIайихьар бераша. Из хоам «Сердало» газетага бир цу моттигера.
Шоай балхара декхараш кхоачашдеш латташ, вахар хаьда МВД болхлой дагалаьцар кхетаче, иштта дIабихьар «Даьхе лораеш латтачунга яздаь каьхат» яха кхоллама болх. СВО доакъашхой оагIув хьаллоацаш, каьхаташ яздир бераша.
Берий дегашка Даьхенцара безам чIоагIбу иштта йолча кхетаченаша, шоай мохк лархIа, цун сий лораде Iомаду.
