«Университета моттигаш йовзаш го баьккхар дешархоша «Iилман вахаре хьалхарбараш» яхача проектага гIолла. Химех, физиках, иштта кхыдолча оагIонех дола дукха пайдане хургдараш дайзар къонабарашта», - йоах хоамо. Лорий факультете дешаш бараша тайп-тайпарча дарбаех дувцарал совгIа, эггара хьалхара гIо мишта де деза гойтар царна.

Хими хьехача хьехархоша тIахьожам беш, цхьацца тамашийна хета балхаш де хьежар уж цига. Иштта дешархошта гойтар тайп-тайпара йола дукха баьцаш, дийнаташ. Гонахьара Iалам мел дIаьхий да довзийтар дешархошта.