Наьна метта хетабаь гойтам хьабийллар ГМК
18.02.2025 10:09
ГӀалгӀай метта, литературан итт ди хьаллоацаш, вай метта хетабаь гойтам дӀахьош я республикера музей. Цига хьокха оттадаьд вай къаман йоазонхой книжкаш, наьна метта хетадаь жрналаш тӀара, газеташ тӀара йоазош. Иштта музее баьхкарашта гургда 1928-ча, 1929-ча, 1938-ча шерашка Буро тӀа, Шолжа- ГӀалий тӀа латиний йоазонца арадаьнна хьалхара абаташ.
«ГӀалгӀай мотт хьаллоацаш, цун моттиг массахана лакхача лагӀа тӀа хила езилга белгалдеш, болх ба оаха дӀахьор. ХӀаьта лоархӀаме да, экскурси оаха наьна меттала дӀахьош хилар, цу гӀулакхо ше ма дарра хьагойт къаман меттацара хӀама даиман деза хила дезилга», - дийцар тхога музея болхлоша. Укх бетта 25-ча денга кхаччалца латтаргба гойтам.
