Кагирхошта лаьрхӀа хьехам-кхетаче дӀайихьар лоамашка
Кхаь оагӀонца дӀахьош болча балха юкъе, дакъа лоацаш хилар Россе тайп-тайпарча миӀингашкара гулбенна кагирхой. Из хоам «Сердалога» бир кагирхой гӀулакхех йолча министерство.
«Чахкенаькъан Ӏаьлас «Бейни» яхача чаьтарий лагерерча кагирхошта гойтар малагӀча наькъашца лакхбе йиш я тайп-тайпарча вахаре нийслуш долча хӀамашцара кхетам, моллагӀа декхар нийса кхоачашде аьттув хургболаш фу де деза. ДӀаяхача ханаца дувзаденна дола, дега хало еш дола хӀамаш шийцара мишта дӀадаха йиш я хайра хӀаранена», - йоах тхогарча хоамо.
Эггара хьалхара новкъостал дара тӀехьа керте лаца дезараш довзийтар Россе ЦӀеча Бетта оагӀонгара къамаьл деш хиннача кагирхой кхетачений массазара спикер волча Ноакастхой Мурада.
Дог, пехкаш болх бе йолалургйолаш де дезараш гойтар цо кагирхошта. Ше Ростове яхаш яле а, доакъашхошта гӀалгӀай къаман халхар Ӏомадеш яр Байц Валерия. Гуш дар, цу гӀулакхо цун дега боккха тоам белга.
