ГӀалгӀай лоамерча «Дагалоаттама сомий беша» лостам беш хилар болхлой
Лаьжге яхача лоаман юрта, къахьегама шоатта дӀадихьар юртарча культуран цӀен болхлоша. Сийлахь-боккхача тӀем тӀа Котало яьккха 80 шу дизара хетаяь цига хьайийллача «Дагалоаттама сомий беша» кулг тохаш, лостам беш хилар культболхлой.
«Къахьегама шоатта хьаллаца арабаьннараш, чӀоагӀа раьза болаш, баьхкар къаьстта цу моттига куц тоадеш. Дукха ха йоацаш дӀаегӀача къонача гаьнашта хий техачул тӀехьагӀа, кӀир техар», - дийцар «Сердало» газетага Лаьжгерча культуран цӀен кулгал деча Хутенаькъан Ӏамархана.
Сийлахь-боккхача Даьймехка тӀема юкъе вай мехкара моастагӀа аравоаккхаш, цун наькъаш тедаш лаьттача деналах, майралах бизза хиннача бӀухой сийлен хетаяь хьайийлла я цигара «Дагалоаттама сомий беш».
ТӀема истори вайна цӀаккха а дицдала йиш яц! Юртарча культуран цӀен болхлоша къахьег, кхувш латташ йола тӀехье, даьй тӀема никъ бовзаш, къаман истори лоархӀаш, ураоттаяра тӀехьа.
