Къаьнара малхара кашамаш корадир лоамашка
Лакхера Пхьуй яхача лоаман моттиге лийнача ЖӀайрахьа-Ахабоарзен паччахьалкхен архитектуран, Ӏалама музея болхлоша зийра лаьттан кӀалха Ӏочудодаш дола кхоъ малхара каш. Лакхера Пхьуй яхача моттигера 150-300 метр дӀаховахача, хьун юкъе яр из моттиг.
«Молельни яхача лоаман кӀалха ЖӀайрахьа кхале улл гӀалай йоккха йоаца моттиг – Лакхера Пхьуй.
Йиъ гӀатах йола цхьа тӀема гӀала, ахаш хаьрца йола кхыйола гӀалаш латт цу моттиге. Вай культуран селханарча вахаре дӀачӀоагӀдергда малхара кашамаш», - дийцар «Сердалога» музея болхлоша.
Вай къаман истореца, даьй вахарца дувзаденнараш гучадувлаш латт лоаман моттигашка. Цу мугӀарера болх лоархӀаме ба вай исторен, тӀехьа тӀайоагӀаргйолча тӀехьен, хӀана аьлча, цар хьадовзийт вай Ӏадаташ, къаман къаьнарча ханашкара вахар.
