Мехкарча лоамашка дӀайихьар «Маьт-Сели» яха фестиваль
Географа Денна, Эрсий географически оагӀон 180 шу дизара хетаяь «Маьт-Сели» яха фестиваль дӀайихьар мехкарча лоамашка. Кхетачен юкъе дар Ӏилман, дешара, культуран оагӀонашца дувзаденна декхараш.
«Географически оагӀонцара Ӏилма, Эрсий географически оагӀон болх боаржабара тӀехьа лоархӀаме гӀа бар из кхетаче. Мехкара Ӏалама, культуран оагӀонашцара кхоане лораяра тӀехьа къаьстта йоккха терко йир цига. Дукха пайдане дола керда хӀамаш дайзар доакъашхошта», - дийцар «Сердалога» Паччахьалкхен университете.
Фестивала доакъашхой вӀашагӀкхийтта хилар ЖӀайрахьа кхален администраце, кхален РГО оагӀон кулгалхо волча Лаьнанаькъан Ахьмадаца. Лоаман баьцех даь боккъал башха чай кийчдаь, цо шун тӀа бийхарашта дайзар гӀалгӀай къаман хьаьша тӀаэцара гӀулакх.
Мехкарча Эрсий географически кагирхой оагӀон доакъашхой тохкама, иштта кхыйола керда проекташ йоаржае кийчлуш ба. Россе моттигаш йовза безам болаш ба къонабараш. Фестивала керда тохкамаш доаржаде дог ураоттадир цар. Географи духхьал Ӏилма хинна Ӏац, дукха хӀама довзара доккха дуне да из, хӀаранена шийна пайдане хургдараш корадеш.
