1441-1486-ча шерашка денз йолаш я из моттиг, музея болхлоша белгалдечох. Цхьан гӀатах латташ, 10 сланцеви оала Ӏоакъаш вӀашкаехкаш, баь тхов болаш я из. Пений сомал- 60 см, деррига доазув- 16 кв. м.

«ГӀибухерча пена лакхал - 5 м., сомал-3,5 м., Малхбоален оагӀорахьарча пенах йоалл лохига ниӀ, цу лакхе биъ са бола кӀоарга дӀачудаьккха цхьацца хӀамашта лаьрхӀа оагилг да, ГӀибухерча оагӀорахьа кор даьккхад.

ӀажагӀа-мора бос бола топпар хьаьха да чура пенаш. КӀир теха маркхал юкъебохийташ, хьалъяьй из моттиг. Лакхалла хӀама ца деш йисаяле а, хьал дика дац цун: пенаш лийлхад, тхов телхаб, кӀалхара кӀийле а дика яц», - дийцар «Сердалога» музея болхлоша.