Мехкарча лоаман моттигашка массехк ОКН гучаяьлар
Лоаман моттигашка хӏара денна къахьегаш болча Жӏайрахьа-Ахабоарзен музея болхлошта цхьацца хӏама корадоагӏа, вай даьша тхьоврача хана леладаь. Гӏалаш хинна моттигаш гучайоахаш, хаьрца лаьттан кӏалъяхараш меттаоттаергйолаш къахьегаш ба цига тахан.
Укх наькъа шоай болх дӏахьош, Цӏоли яхача гӏалай юрта хьалха вӏалла йий ца хайна шиъ тӏема, бархӏ нах бахаш хинна гӏалаш гучаяьлар, иштта пхиъ малхара каш дар цига чухьа тӏехкаш ядаш, цхьацца царна хьатӏахетта хӏамаш йолаш. Паччахьалкхено лораеш йолча гӏалашта юкъе дӏаязъергья уж а. Цӏоли, тӏакхача хала йолаш, атта саг юхе ца водаш, моттиг я. Гӏаппена юхера 1,4 км дӏахо улл из. Цига кхача лаьрххӏа бокъо хила еза.
«Тхо цига кхачар вай къаман исторена лоархӏаме да, мах баь варгвоацаш да лоаман юрташка тахан гучадувлараш»,- дийцар тхога музея болхлоша.
