Гӏалгӏайчен лоаме дото хӏамаш корайир
15.12.2025 10:09
Лохера Пхьуй яхача гӏалаш ягӏача моттиге болх дӏахьош баьхкача археологашта, дото хӏамаш корайир.
«Укх шера аьхки малхарча кашамашкара корайир уж хӏамаш. Царна юкъе да пӏелгах доахкаду гӏозараш, иштта кхыйола куцала лелаяь цхьацца хӏамаш.
Тохкамхоша, дикка хьежача, зийра уж дото йолга. Цу ханарча пхьараша-говзанчаша шоаш хьаяь хӏамаш уж йолга гуш да», - йоах тхогарча хоамо. Белгалде деза, лоаман моттигашка кӏоаргга яьдача юрташка а лакха говзал йола пхьараш хиннилга. Къаьстта дото хӏамаш хьаеш чӏоагӏа къахьийгад цар.
