Ӏим ена моттигаш мукъайоахаш, хилар лоамашка
11.05.2025 13:25
ЖӀайрахьен кхале хьалчубода никъ дӀакъайлар лакхера Ӏим Ӏочуяро. Ӏалаьмате сиха оарцагӀбаьннача болхлоша, йоккха юкъ ялале, дӀадаьккхар из хатар.
Минавтодортранса къахьегамхой баьхкар цига шоай машинашца. «Никъ мукъабаьккхар, моттигаш цӀенйир, паргӀатта дӀа-юха аха йиш йолаш я машинаш. КӀалхара асфальт бохаргбоацаш, лорабеш, чакхбаьккхар из болх», - белгалду Минавтодортрансо.
