Къаьнара кхалнаьха тӏехкар корадир лоаман моттигашка
10.12.2025 10:38
Лоаман моттигашка тохкама балхаш дӏахьош болча археологашта, къаьнара кхалнаьха тӏехкар корадир. Гирети яхача гӏалай доазон тӏара корадир тӏехкар. «Сердалога» из хоам бир гӏалаш меттаоттаярах йолча «Тӏехьале» яхача ишкола кулгалхо волча Султиганаькъан Рамзана.
«Археологаша теркалдир, тӏехкар цхьа ший тайпара шод баь долга. Иштта тӏехкарах дӏахетта кӏада бохча доаллар. Археологаша белгалдечох, тӏехкар леладаьр йоӏ хиннай, цар тохкаргда из бохча фу чулеладеш хиннад», - йоах тхога бенача хоамо.
Белгалде деза, цигара кораеш латтача хӏамаша вайна селханарча вахарера даьй, ноаной гӏулакхаш довзийтилга.
