Лоаман Гӏалгӏайче ши гӏала тоаеш латт
Гӏалгӏайчен лоаме, «Тӏехьале» яхача гӏишлонхой-меттаоттаярхой Ишкола дешархоша дӏаболабаьб Лохерча Пхьуй №4, №5 йола гӏалаш тоаяра болх, яхаш, дийцар«Сердало» газетага тӏоговзанчий зарбан болх лелабераша.
«Къонача говзанчаша шоай мел бола низ тӏабохийт, шоай болх проекто чӏоагӏбаьча беса хургболаш, иштта из болх меттаоттабар духьа халкъашта юкъерча боарамах, российски законах хургболаш. Цар лораду ше морг кхы доаца гӏишло хьалйоттара сурт, иштта бос а лорабу, къаьнарча заман гӏишлонхоша лелабаь бола археологий болх дӏахьош корадаь кхерий ший моттиге юхадахь. Из болх ший тайпара хилара белгало я, уж деррига балхаш кулгашца кхера хьокхаш цар деш хилар», - аьлар хоамо.
Цу балха шоашкара юкъекхухьаш хӏамаш дац, деррига къаьнарча тайпара деш да, цхьа тӏадам маркхал боацаш», - белгалдир «Тӏехьале» яхача ишколан кулгалхочо Султиганаькъан Рамзана.
