«Къаман «Культура» яхача проектага гӀолла дӀахьош боккха болх ба из. 44 млн сом рузкъа да Ӏаьдало цу гӀулакха хьакъоастадаьр.

«Прогресс» яхача гӀишлон балхаш деча фирман къахьегамхой тхов тӀабилла, кораш дӀаоттадаь баьннаб. Ток, йӀовхал чуюллаш, фо чукхетийтаргдола гӀирс оттабеш боахк цига карарча хана. Де дезараш дукха да, цудухьа болх тӀатеӀӀа дӀахьош ба», - йоах хоамо.

Тишъенна, харцар кхерам болаш, лаьттача гӀишлон метта хьалъяьй кердаяр, 1377 кв метр дӀалоацаш. 200 сага моттигаш йола зал, барзкъаш хьалъохка, кхача кийчбеш йола моттигаш, иштта мел эшаш дола кхыдараш чудолаш хургья из йоккха гӀишло, тоаяь яьлча. Лоаман бахархошта доккха совгӀат хургда цох.