Лоаман юрташка чӀоагӀа дийлхача догӀашта тӀехьа лостам беш латт
21.06.2024 14:03
ГӀалгӀайчен наькъашта доал ду Министерство лостам бе йолаеннай ЖӀайрахьа кхален даькъ тӀа, аьлар «Сердало» газетага республикан министрий кабинето.
«Болхлоша чӀоагӀача догӀан тӀехьа лостам беш латт, селхан дийлхача догӀо наькъаш бӀехдаьд, Ӏим ена. ХӀанз укх сахьате наькъаш цӀендеш латт, машенаш паргӀатта хьал-Ӏо йохалургйолаш», - йоах хоамо.
Белгалду, кхален беррига сихача гӀон болхлой хьинаре къахьегаш ба цига. ДӀахьош да дехар меттаоттадара балхаш. Газ а хий а цахаддаш лоаттадаьд бахархошта. ДӀахо хьожаш ба Ӏаьржа хий дар кхерам бий.
