Бейни яхача лоаман юрта наькъа йистошка гӀолла хий дӀаухаргдар даьд
27.06.2024 10:53
![Бейни яхача лоаман юрта наькъа йистошка гӀолла хий дӀаухаргдар даьд](http://serdalo.ru/storage/MuOVi2s7YvSvKEJwTICpjN9f97gNGK5RSeb8DHpo.jpg)
Наькъаш тоадераша укх деношка къахьийгад, ЖӀайрахьа кхалерча Бейне наькъа йистошка гӀолла хий дӀаухаргдола моттиг кийчъеш, яхаш, дийцар «Сердало» газетага мехкарча машиннаькъий Министерствос.
«ГӀалгӀайчен машиннаькъий Министерствос шийна чудоагӀаш дола мехка чухьара а иштта мехкашта юкъера а наькъаш тоадеш дола балхаш ду. Дийнахьа а бийсан а наькъа йистош цӀенъеш, нувхаш дӀайоахаш, никъ тоабеш балхаш ду», - аьлар хоамо.
Из лоархӀаме болх дӀахьош, наькъий болхлой бицлац водителашта, гӀашлошта ПДД бокъонаш лелаяр, шоашта гонахьарбараш а шоаш а лорабар хьалхадаха.