Ца доагӀача дӀадийтта хӀама нахалдаккхара каьхаташ, кӀадаш Ӏодоахаш латт
27.03.2024 12:40
Республикерча шахьарашка кхаьч-кхаьчача дӀадийтта хӀама нахалдоаккхаш (реклама еш) дола каьхаташ, кӀадаш дӀадоахаш латт, лаьрххӀа арабаьннача болхлоша. Карарча хана, Илдарха-ГӀалий тӀа дӀахьош латт из болх.
Из хоам тха газетага бир шахьара мэре. «Шахьара да волча Дидиганаькъан Ахьмада тӀадиллар, шахьара куц толхадеш, дага мел дийхача моттигашка дӀадийтта хӀама нахалдаккхара кӀадаш, каьхаташ Ӏодаха аьнна», - йоах тхогарча хоамо.
ЛаьрххӀа арабаьле, из болх дӀабахьа безаш ху; бахархоша, цхьаккха боарам боацаш, кхаьч-кхаьчача моттигашка цхьацца хоамаш деш дола каьхаташ, гаташ дӀадетташ хилча.
Цу хӀамо толхаду шахьар тӀарча урамий куц. Из болх хан-ханнахьа дӀакхухьаргболаш ба шахьарашка.
