«Из кхетаче дӀахьош, Илдарха-ГӀалий тӀа керттера теркам тӀабахийтар бахархоша инженерни хьалашта. Урамашка сердал цахилар Ӏаткъаш да наьха кхерамзлен, леладеча гӀулакхашта. Тахан ира латта хаттараш да хица, сердалца, газаца лерттӀа Ӏалашо ярца дувзаденна, уж аргӀ-аргӀагӀа кхоачашдеш хила деза», - аьлар цигарча доал деча болхлоша.

Доазонаш къоастадара хьал дувцаш белгалдир, мехка столица Магас дегӀаярах а. Из ди тӀехьагӀа дӀа-юха яржаш а нах тӀакхеташ йоагӀа, цунга хьежжа керда гӀишлош а кхыйола вахара гӀишлош а я хьалъе езаш. Цу кхетаче дукха хьинар дола бахархой, студенташ ба.

Укхаза теркалдир лерттӀа наха салаӀа парк цахилар, спортивни даькъ тӀа шоай могашал тоае безам барашта дола хьалаш цахилар. Иштта лоархӀаме хаттар дар транспортаца дувзаденнар а.

Теша лов, тӀехьа тӀайоагӀача хана, цу тайпара эша хьалаш дикагӀа хиларо шахьара бахархой вахар аттача доаккхаргхиларах.

Деррига а цига дийцар теркалдергда, ГӀалгӀайчен проекташ кхоачашъеш.