«Къахьега, мохк лорабе кийча ва» яха спортацара болам дIабихьар вай мехкарча шахьарашка
07.11.2025 14:11
«Къахьега, мохк лорабе кийча ва» яха спорта оагIонцара болам хьаллоацаш хилар Наьсаре, Шолжа-Шахьаре, МагIалбике, СурхотIа, Эккажкъонгий-Юрта. Из хоам «Сердалога» бир моттигерча Минспорте.
Вай мехкадас Келаматанаькъан Махьмуд-Iаьлас баьча соцамца юкъедаьккхача гIулакха къоастадаь пхи доазув дар. ЛаьрхIа кийчъяьча моттигашка шоай дегIацара низ гойташ хилар гулбеннараш.
Россехошта юкъе спорт йоаржаеш, дегIа хьал меттадоаладара уж тIахьехаш йола программа я ГТО.
Физически культура мел лоархIаме оагIув ба хьалхадоаккхаш, моттиг я из бахархошта, кхувш латтарашта. Белгалде деза, из гIулакх наха юкъе дикка пайда боаржабеш долга.
