Шахьарашкара тишъенна хин турбаш хувцаш боахк республике
22.05.2024 10:45
БӀаьстан ха хьаоттарца тишъенна, шоаш дуаргдар диа яьнна хин турбаш хувца болалу болхлой. Шолжа-шахьарерча Трудовой оалача ураме къахьегаш боахк уж карарча хана. Из хоам тха «Сердалога» бир шахьара администрацера.
«600 метрага кхоачаш йола турбаш хувцаш боахк болхлой. Хьоггехьа хувца еза ха кхаьча, муръеннача турбаша хало ю дукха ха я. Шахьара да вола Ӏумарнаькъан Аслани цун гӀонча Беканаькъан Халиди ба цу балха тӀахьожам бер», - йоах хоамо.
Цу урамера бахархой хин лине хатараш хулаш леткъаш бола дукха ха яр. Кердача турбашка гӀолла долалургда хӀанз хий Даьла къахетамца. Ер бутт йисте балалехьа чакхбаккха лерхӀ болх.
Лини тоаеш латтача юкъа машинашца хий дӀатӀакхухь цигарча бахархошта.
