Илдарха-Гӏалан доакъош тӀа асфальт булларгба
13.05.2025 15:57
Кастлуш, Илдарха-Гӏалан цхьадолча доакъош тӀа 954 метр бӀаьха асфальт булларгба, яхаш, дийцар «Сердало» газетага мэре зарбан болх лелабеча МутаӀаланаькъан Мадинас.
«Вахара хьалаш тоадара» яха къаман проект хилар бахьан долаш, керттерча машина наькъашка а дукха машинаш хилар лаьгӀлургда. Иштта гӀашлой никъ Ӏобилла лерхӀ 810 метр бӀаьха, цо шахьара бахархошта, хьаьшашта дика хьалаш кхолларгда», - аьлар хоамо.
Белгалду, хьалхагӀа «Сердало» газета яздаьдар ерригача Россе гӀолла кхадж тассара болх дӀахьоча, вай республикера бархӀ доал ду моттиг дакъа лоацаш хиларах, цар кхадж тоссаргба шоашта бакъахьа хеташ йола моттигаш 2026 шера тоаяра тӀехьа.
