СВО бейнача бӀухошта, баннер оттайир Шолжа-Шахьаре
16.07.2025 16:36
Украинерча тӀема операцена юкъе вахар хаьдача пхе бӀухочунна лаьрхӀа, баннер оттайир Шолжа-Шахьаре. Из хоам «Сердалога» бир «Даьхен лорбой» яхача ганза моттигерча филиала болхлоша.
ТӀема аренашка лийгача къаман къонгий цӀераш вайна массанена йовза еза. Ювацача баннера бовзийт бӀухой: Галашкара Къоастой Рамзан, Келаматанаькъан Хьажамурд, Бопхой Казбек, Хьаьшанаькъан Аслан, Тоачанаькъан Мухьмад - иштта цар тӀема наькъах.
ХӀара сурта кӀалха бовза йиш я бӀухочох бола хоам. Мехкахоша гойтача деналах, майралах деша йиш я бахархой.
