ГӀалгӀайчен тӀема сийлен шахьаре, кердадаьккхар «Коталон хьунагӀара» сийленг
ГӀалгӀайчен МагӀалбике, Сийлахь-боккхача тӀема Коталон 80 шу дузаш хиларга тоадаь йистедаьккхар «Коталон хьу» яхача даькъ тӀара сийленг, аьлар «Сердало» газетага доал деча даькъ тӀа.
Болх дӀахьош, сийленг кердадаккхарал совгӀа, асфальт а Ӏобиллар цу сийленга тӀабода. Из бахьан долаш наха а цига тӀабаха аттагӀа хургда.
«Вай кортамукъале хилийтара шоай синош дӀаденнача наьха сийле вай тӀехьен дегашка латта еза», - аьлар МагӀалбика мэра Галай Мусас.
Цу сийленго чулоац вай кхоане бахьан долаш бейнарий цӀераш, цун мах лакха хилар. Моттигера бахархой боккхача безамца хьежаш ба, кердадаьккхача сийленга тӀа а баха, турпалхой сий де йиш йола ха хьатӀакхачарга.
Белгалду, «Коталон хьу» хьакхеллар 2015-ча шера бекарга бетта. Цо гаьннара хьагойт вай бӀухой сийлен белгало. Коталон 75 шу дузача хана, цу моттиге сийленг оттадир, хӀанз Сийлахьча Коталон 80 шу дузаш йола цхьаькха лоархӀаме ха хьаэттай.
