ГӀалгӀайчен тӀема сийлен шахьаре «Лергдоаца сур» яха фестиваль дӀайихьар
07.05.2025 14:55
ТӀема сийлен шахьаре МагӀалбике «Лергдоаца сур» яха фестиваль дӀайихьар, цу юкъе дакъа лоацаш бар «Хьалхарчар болама» викалаш, къона эскархой. Дукха адам дар из, бедоахкаш сурташ а долаш шоай даьй а даь-даьй а - тӀема доакъашхой, яхаш, дийцар «Сердало» газетага шахьара администраце.
Къонача доакъашхоша хьагойтар, доаккхал деш хилар шоай даьй наькъах. Иштта хьинар долаш, дукха адам арадаьнна дӀахьоча боламо тешал ду, шергара шу массаза дала кердача ноахалга кхоачаш из Ӏадат дӀахьош хилара.
МагӀалбике дӀабихьача боламо хьагойт, Даьхе лораеш бейнарий цӀераш, цар денал, майрал, турпалал цӀаккха дицдаь ха йоагӀаргйоацилга.
