ТӀема сийлен МагӀалбик-Шахьаре, моастагӀчун къизал лайна нах дагабехар
ТӀема сийлен шахьаре Сийлахь-боккхача Даьймехка тӀом лаьттача шерашка, моастагӀчо а цунца дакъа лоацаш хиннараша а къизал яхьаш байна нах дагалоацаш ди хиларах, дукха нах вӀашагӀкхийттабар МагӀалбикерча салоӀача моттиге. Тохкамий доакъашхоша вӀашагӀбеллача боламе дукха нах бар дакъа лоацаш, боккха а зӀамига а, корта кӀайбеннараш а дешархой а.
«Вай дицдеш хила йиш яц, къамашта юкъе юкъ ехкаш хиларо доккхий халахетараш деш хилар. Цу тайпара дӀахьош йолча кхетаченаш цӀаькха хьалхадоаккх Сийлахь-боккхача Даьймехка тӀем тӀа котало вай мел хала яьккхай моастагӀчунгара», - аьлар «Сердало» газетага ГӀалгӀайчен ХӀарман палата доакъашхочо, МагӀалбик-Шахьара администраце кулгалхочун гӀончас ГӀаьнтамаранаькъан ЯрагӀе.
ТӀом лаьттача шерашка, МагӀалбик-Шахьара доккха дакъа лаьцад моастагӀа Кавказе чу ца воалийташ, Кавказа мехкдаьттанна из тӀа ца кхоачийташ.
120 эзар советски салте веннав Тирка дукъ тӀа.
Шахьар йохаяьяр моастагӀчо овлангара, бакъда царна кӀалйисанзар, цо гойтар вай бӀухой денал.
