Паччахьалкхен ИЗО музее суртанча волча Пхьиленаькъан Заура гойтам дӀахьоргба
ГӏалгӀай паччахьалкхен исбахьален говзанчий музее, хьатӀадоагӀача кӀира начӀал долча суртанчан Пхьиленаькъан Заура гойтам-тӀаьрг дӀахьоргья.
Кхетаче дӀахьоргья «Тха доаккхал» яхача проекта чуйоагӀаш, цига ва безам болчунна говзанчан кхоллам бовзаргба, иштта шийна хоза хийтта сурташ эца таро хургья.
«Гойтаме хургда ГӏалгӀайчен къоаной 35 сурт, цар тӀа го йиш я къаман культура, истори.
Иштта хьаьший таро хургья 15 тайпара дола зизай сурташ эца а го а, царца да Ӏалама, дуненна хозале гойта балхаш. Вай культуран вахаре дика масал хинна дӀаоттаргба гойтам», - аьлар «Сердало» газетага ГӏалгӀайчен исбахьален говзалий Паччахьалкхен музее.
Пхьиленаькъан Заура сурташ доаха массехк шу да, цо дакъа лаьцад дукхача проекташка, дукха нах ший балхашца гӀадбугаш. Цо дикача толамца гойт ший балхаш суртий говзанча яхьашка.
