Гӏалгӏайчен ИЗО Паччахьалкхен музее дешархошта дийцар мехкахошта карагӏдоалачох
Гӏалгӏайчен исбахьален искусствон паччахьалкхен музее дешархой бийхар «Турпалхой-гӏалгӏай Кёнинсберг йоаккхаш» яхача довзара лекцега ладувгӏа. Лекци ешаш яр, экскурсовод йола Пхьиленаькъан Луиза. Илдарха-Гӏалан №3 йолча юкъерча ишкола, иштта Шолжа-Шахьара №4 йолча юкъерча ишкола дешархой безам тӏабодаш хилар лекци, хӏана аьлча овлангара, боккхача безамца, ший къаман истори деззачара дувцаш дар къамаьл.
Эггара халагӏа йола моттигаш а терко тӏагӏоргйолча оагӏорахьара йийцар берашта, вай мехкахошта карагӏдаьннар дувцача даькъ тӏа боккхача теркамца ладувгӏаш дар бераш. Кёнигсберг йоаккхаш лаьттача тӏем тӏа гӏалгӏай къаман турпалхоша дакъа лацарах дийцар лекци ешаш хинначо.
«Лекци ешарах, таро хилар кӏезига мара йовзаш йоаца тӏема исторен оагӏонаш кердаяха, Котало йоаккхаш гӏалгӏай къаман турпалхоша денал, майрал гойташ, моастагӏчун духьалъотташ баьча тӏема дакъа довза. Лекци чакхйоалаш, массаболча доакъашхошта «1941-1945 шерашка Сийлахь-боккха тӏом болаш гӏалгӏаша дакъа лацарах» яха книжкаш делар берашта, цар таро лургья царна кӏоаргагӏа довза турпалхой тӏема шераш»,-аьлар «Сердало» газетага ИЗО Паччахьалкхен музея зарбан болх лелабераша.
Белгалдоаккх, кхетаче дӏахьош керттера дакъа лаьцар Приморский края Паччахьалкхен Председатела гӏончаца дагаялар долча, мехка архивни гӏулакха, культуран министра Герман Еленас. Иштта Приморски края Общественни палата председатела гӏонча йолаш, цо проекта юкъеера ший йоккха балха говзал, кхувш йоагӏача тӏехьенна кхетам луча даькъе. Цо, иштта дог лазаш, болх дӏахьош хиларах архивни материалашца, таханарча заман хоамашца таро хилар хьакхолла дика кӏийле, из ерригача проекта ларде эттар.
