Суртанчий музее, гӀалгӀай паччахьалкхен 100 дузаш, говзанч-хьехам лургба
ГӀалгӀай паччахьалкхен 100 шу дизара ди хьатӀадоагӀаш хиларца дувзаденна, исбахьален паччахьалкхен музее говзанч-хьехам лургба, вай къаман байракха бесаех, цӀайна кийчдеш долча зигах барзкъашта боаллабу маха бергба цига. Дакъа лаца безам барашта шоаш говзанчаш болга хоадолийтаргда Хамхой Лидас, из я цӀихеза суртанча-модельер, цунна дика йовз зигашца, гизгашца болх бу говзал.
«Ше каралаьца гӀулакх дика дӀадахьа харал совгӀа, Лидас боккхача безамца дӀалу шийна ховш дар гонахьарчарна. Говзанч-хьехама юкъе дакъа лоацарий таро хургья даьреча зигах барзкъашта боаллабу маха мишта бу ха, иштта гизгех цӀайна хетаяь хозаленаш е, цига царна дергда мах бола хьехар, дӀахо искусствон наькъ тӀа уж боахаш. Доакъашхой шоай къаман Ӏадаташ дикагӀа довза йиш йолаш ба, цар аттагӀа дегӀадоаладергда шоашта ховш дар», - аьлар «Сердало» газетага ГӀалгӀайчен исбахьален искусствай Паччахьалкхен музее.
Хамхой Лидас луш бола говзанч-хьехам «Пушкина карта» яхача федеральни программа чубоагӀаш ба, цо таро лургья кагирхошта кулгаговзала даькъ тӀа кердадараш довза.
