«Кхолламий бийса» дIайихьар Паччахьалкхен гойтама галерее
Ерригача Россе санна, «Кхолламий бийса» яха болам хилар мехкарча Паччахьалкхен гойтама галерее. Къаман цхьанкхетара ден хетаяь яр из кхетаче. Цига го йиш яр дуккхача тайп-тайпарча къамий культурай оагIонца, истореца двзаденнараш, къамий Iадаташта, оамалашта тIатовжараш. Боламе гулбеннабар тайп-тайпарча ханашка кхаьча бахархой. Хьаьшашта лаьрхIа кийчъяьяр йоккха программа.
«Галерее гIолла экскурси дIаяхьа аьттув бар бахархой. Цига хьокха оттадаьдар Дугладзе Вахтанга, Аькхенаькъан Хасолта балхаш - «ГIалгIайче бесашца», «Къаьнара ГIалгIайче». Къаман культрацара кIоаргенаш, хьалха ца дайна балхаш го аьттув бар хьаьший», - дийцар «Сердалога» цу моттигера.
«Къаман цхьанкхетара Денна хетадаь Открытка» яха болх дIахьош, ший начIал гойташ яр архитектурах, дизайнах, реинжинирингах йолча колледже деша яьгIа Балайнаькъан Фатима. Хицарча дикъача басарашца болх мишта бе беза гойтар цо.
Къаьстта къонабарий бIарг тIаозаш бар цун болх. Къамашта юкъе массахана барт, бувзам, машар хилар эггара лоархIамегIа долча гIулакхех долга белгалдир цо боламе.
