Инаркъерча №12 йолча ишколе, СВО доакъашхочунца кхетаче хилар
Инаркъерча №12 йолча юкъерча ишкола дешархошца, кхетаче хилар Россе дӏахьош йолча Донбасс лораеча лаьрххӀача операце доакъашхочунца Кхоартой Тимураца. Майра бӀухо вера «Класса кхетачене» ший хьамсарча ишколе. Цо берашта дийцар, вай мехкахоша Россе хургдар тахан мишта лораду, беррига бӀухой вошал долаш хиларах.
«Цига дакъа лаьцар йоккхагӀча классай дешархоша, «Хьалхарчар болама» доакъашхоша. Тимура дийцар шийна дагалаттача вахара наькъах, тӀема мугӀарашкарча хьалах. Къаьстта терко тӀаяхийтар бӀухочо Даьхенна хьалхашка латта декхар кхоачашде дезара, моллагӀча сага низ ший Даьхе езарца хилар, цудухьа тӀема декхар кхоачашдеш хилар белгалдир», - яхаш, дийцар «Сердало» газетага МагӀалбика кхален администраце.
Дешархоша боккхача безамца ладийгӏар СВО доакъашхочунга, цунга хаттараш а делар, цул тӀехьагӀа нийсденна хӀамаш дувцаш баьгӀар.
«Бокъонца бола турпалхой вайна юкъе бахаш ба, - йоахар бераша. – Оаха доаккхал ду тхоай ишколера иштта денал долаш саг хиларах, Даьхе бахьан долаш моллагӀа декхар кхоачашде кийча волаш».
