ИнгГу Ӏомалуш ба, доалахьара хӀама леладе
ГӏалгӀай паччахьалкхен университет дӀайолаелар, «Университета технологически доалахье лелаяра майда» яха программа кхоачашъеш йолча федеральни проекта чудоагӀа Ӏамавалар. Хьалхара цу тайпара болх дӀаболабеш, дакъа лоацаш вар 140 совгӀа студент, уж бар кхаь факультета викалаш. Из проект хьаллоацаш я МФТИ, Ӏомалуш бола дешар дӀахьу Пятигорскерча паччахьалкхен университете.
«Интерактивни сессе даькъ тӀа дӀахьош ба Ӏомабалара болх, цига студенташа шоашта ховр гойтаргда практикан даькъ тӀа. Доакъашхоша дукхагӀча даькъе гойта дезар да бизнес хьаеллар, базара балха мах оттабар, бизнес-кепаш хьакхоллар, коммуникацей кердадараш дегӀадоаладар, иштта кхыдараш.
Тоабашта бекъабенна, дӀахьош хиннача балха шоаш Ӏомаяьча говзалах, цар пайда эцаргба практике», - аьлар «Сердало» газетага ИнгГУ зарбан болх лелабераша.
