ИнгГУ дийцар «Географе йоаца урок» яха проект кхоачашъярах
ГӏалгӀай паччахьалкхен университета ректора Ӏалбаканаькъан Фатимас кхетаче дӀайихьар, из хетаяь яр «Географе йоаца урок.Наькъа лела, довза» яха дешара проект кхоачашъярах. Из проект, хетаяь я Эрсий географически юкъарлон 180 шу дузаш хилара, географе никъ кагирхошта дикагӀа бовзийтара, иштта хӀама довзара туризм дегӀайоалаяра.
Цига дийцар из проект кхоачашъярах дола керттера дешаш, цун лерхӀам республикан Ӏилмай юкъарлонна боккха хиларах.
«Из дӀаяхьа лерхӀ тов бетта 15-ча денгара 21-ча денга кхаччалца. Дешара, довзара кхетаченаш дӀахьоргья тайп-тайпарча ГӏалгӀайчен диъ даькъ тӀа. Цо таро лургья ма хулла дукхагӀа кагирхой юкъебаха, иштта Ӏалам, мехка культура йовза. Университета ректора белгалдир из проект лоархӀаме хилар, ГӏалгӀайчен Ӏилман а дешара а даькъ тӀа. Цо яхачох, цу моттиго кагирхой сакхетам лакхбергба, хьамсара мохк тахкара тӀехьа хургба», - аьлар «Сердало» газетага ИнгГУ.
«Географе йоаца урок» яха проект кердачарех я, дешара кхетачен кепара, цунна чудоагӀа Ӏадатех латта дешар, практически дешар, тохкама болх.
