ИнгГУ студенташца дийцар, кхерамзлен лоархӏаме дешаш
Гӏалгӏай паччахьалкхен университете, терроризмаца, экстремизмаца дувзаденна дешаш дийцар. Кхетаче дӏахьош хилара бахьан дар, вай кагирхошта дикагӏа довзийтар цу зуламеча наькъ тӏа деш дола унзара хӏамаш, уж царех лорабар. Цига дакъа лоацаш хилар республикан бокъонаш лораяра болхлой, иштта дин викалаш.
Говзанчаша дийцар, шоай профессиональни поалхам хиларах тарра, юкъарлон ӏалашо еча даькъ тӏа ха дезарах.
Керттера дийцараш дар, кагирхошта юкъе тахан даржаш латта ийрча гӏулакхаш. Гулбеннараша белгалдир, къаьстта уж харцахьарча новкъа баргбоацаш, еш йола терко цӏагӏара хила езилга; терроризма, экстремизма духьалъотта ховш, сакхетам бола кагирхой вай кхебе безилга», - аьлар «Сердало» газетага республикан керттерча вуза зарбан болх лелабераша.
Из болх вӏашагӏбеллараша белгалдир, студенташа цу къамаьлага терко тӏайохийташ ладийгӏа хилар; иштта белгалдир, цу тайпарча кхетачений лерхӏам боккха хилар.
Цига къамаьл деш хиннараша тӏахьийхар еррига юкъарло; терроризма, экстремизма духьалъоттара, мехкарча кхерамзлен хьал чӏоагӏдара.
