Наха низ бара духьалара гойтам хьабийллар, ГӀалгӀай паччахьалкхен университете
Наха низ бара духьала къовсам лоаттабеча Денна хетабаь гойтам дӀахьош ба, вай мехкарча университете. Гойтаме хьокха оттадаьча сурташ тӀа гуш да, террористаш яхача тувлбеннача, бӀехача наха даь зуламаш, царна духьала лаьтта деналах, майралах бизза хинна нах.
«20 шу хьалха Берса-Юрта хинна унзара хатар дагалоацаш да вай тахан. Доккха туржаӀ оттадир басаевски зуламхой тоабо вай республике 2004-ча шера ахкан хьалхарча бетта 22-ча дийнахьа. 100 гарггача сага вахар хаьдар цу дийнахьа. 2009-ча шера ахкан тӀехьарча бетта 17-ча дийнахьа Наьсарерча РОВД хиннача терактах 25 саг кхелхар, 136 лозавир. Цу тайпарча зуламех дуне лорадеш, тувлбенна лелача моастагӀий накъаш тедаш даха деза вай», - дийцар «Сердало» газетага гойтам вӀашагӀбеллараша.
Цига дийцар, кхувш латта тӀехье нийсача наькъ тӀа, къаман Ӏадаташ, беркате гӀулакхаш лорадеш, шоай ди бовзаш кхеярах. Гойтаме гулбеннараша белгалдир, из болх массайолча дешара моттигашка, хӀара денна цӀенъюкъе дӀакхахьа безилга.
