ИнгГУ хьабийллар «Арт, сунт доацаш» яха студентий гойтам
«Арт, сунт доацаш» яха гойтам дӀахьош, го йиш я исбахьален кулгаговзал Ӏомае ухача студенташа баь болх. Из кружок болх беш я ГӏалгӀай паччахьалкхен университете. Бӏарчча суртий оагӀув хьайийллар кхоллама болх гойташ. Из хоам «Сердало» газетага бир ИнгГУ зарбан болх лелабераша.
«Гойтам дӀахьош хиннача Аькхенаькъан Хьавас, безаме моаршал хаттарца, хаьший тӀаийцар, цо дийцар гонахьара дуне гойташ баьча хӀара кхоллама балхах. Хӏара сурт- из истори да лаьрххӀа йола сага оамал, дегагӀоз гойташ дола», - аьлар тхога хоам баьчо.
«Арт, сунт доацаш» яхача гойтамо хьагойт къонача суртанчашта карагӀдоалар, цар начӀал, цар керда карадерзадер. Студенташта гу дуне искусствага гӀолла, цар хьакхолл тамашийна болх, цига гӀолла го йиш я гонахьара дуне цар мишта тӀаэц.
