Университете РГО кагирхой фусам хьайийллар
11.06.2025 14:04
Эрсий географически оагӀон (РГО) кагирхой моттиг хьаеллаш кхетаче хилар вай университете. Цу гӀулакха юкъе дакъа лаьцарашта баркал оалаш, хьинаре болх дӀабахьара тӀахьийхар вуза ректор йолча Ӏалбаканаькъан Фатимас.
Кердача моттиге дӀакхухьаргья дешарцара кхетаченаш, Ӏилманцара тохкама балхаш, экологически боламаш. Ӏалама хьал теркалдеш, къаман культура йовза ловш бола кагирхой вӀашкаозаргба цу моттиге. РГО Кагирхой моттига кулгалде оттавир «Географи. БЖД» яхача оагӀонцара шоллагӀча курса студент вола Оздой Илез.
