ИнгГУ дешархошта хьадийллар; химе, биологе тамашийна дуне
ГӏалгӀай паччахьалкхен университета химико-биологически факультете «Химе, биологе тамашийна дуне» яха кхетаче дӀайихьар, цига дакъа лоацаш бар студенташ, ГӏалгӀайчен дешара моттигашкара йоккхагӀча классашкара дешархой. Из хоам бир «Сердало» газетага ИнгГУ зарбан болх лелабераша.
«Кхетаче дакъа лоацаш бар Магас шахьара №1 йолча ишкола-лицея, «Олимп» яхача лицея-начӀал долча берий центра, Наьсарерча №12 йолча ишкола дешархой, иштта «ХӀара бера толам» яхача Федеральни программан доакъашхой. Кхетаченна чуйоагӀаш университета профессорско-хьехархой тоабо дика Ӏилман лекцеш, лабораторни балхаш, хьажараш, гойтамаш-презентацеш вӀашагӀъехкаяр»,- аьлар тхога хоам баьчо.
Кхетаче дӀаяхьара бахьан дар, дешархошта химе, биологе дуне довзийтар, цу Ӏилмаша луш йола балха говзал дегӀайоалаяра таронаш йовзийтар.
Кхетачен доакъашхой таро хилар шоашта бакъахьа хеташ дола хаттараш дала, хьехархоша фу йоах ха, шоай хургбола болх харжара химе, биологе даькъ тӀа накъадаргдар фуд довза.
