Фашист вохавеш вай мехкахоша лаьцача даькъах дувцаш, гойтам хьабийллар ИнгГУ
Сийлахь-боккхача Даьймехка тIема хетабаь гойтам хьабийллар, мехкарча паччахьалкхен университете. Вай лаьтташка чугIерта фашист вохавеш, ше бенача наькъах из дехкевоаккхаш лаьттача деналах бизза хиннача къаман къонгий тIема истори довзийташ бар гойтам. Архивера лоархIамеча каьхаташа, сурташа хьахьокх из деррига тахан.
«Хано IажагIдаь сурташ, тIема Iазапо оттадаь бIухой бIаргаш, тIема аренашка каьхата йистош тIа даь дог тохадолийташ дола йоазош - из деррига а тIом дIабаьнна итташ шераш дIадахадале а, цу ханара унзара денош, бирса истори диц ца долийташ, бокъо яц шун дицде, яхаш, маьлхаро хьахьежаш санна хет таханарча тIехьенга. МоллагIча сага дог тохадолийташ да из деррига», - дийцар «Сердалога» гойтаме хиннараша.
ТIема исторецара хIара хIама боккха лерхIам болаш, вай геттара чIоагIа лорадеш леладе дезаш да, хIана аьлча селханарча деной бакъвола теш хинна Iодижад из деррига. ТIема деношта хетабаь гойтам дуккха хIама довзийташ ба къонача тIехьенна, цунга гIолла довз царна, моастагIа вай лаьтташкара эккхавеш, вохавеш кхаьча котало малагIча наькъаца кхаьчай.
