ИнгГУ дӀадихьар «Кулгалдара даькъера наха кхелла интеллект» яха герга истол
«Кулгалдара даькъера наха кхелла интеллект» яха герга истол кийчдаьдар ГӏалгӀай паччахьалкхен университета муниципальни урхаллен кафедро. ГӏалгӀайчен керттерча вуза хьехархой, магистранташ, студенташ бар цига дакъа лоацаш. Кхетачен доакъашхоша дийцар, вахара тайп-тайпарча доакъош тӀа наха кхелла интеллект юкъеяккхара (ИИ) лоархӀаме хаттараш.
Герга истол вӀашагӀдоллара бахьан дар наха кхеллача интеллекта таронаш тахкар, йовзар.
Къамаьл деш йовза лаьрхӀараш яр ИИ таронаш, из юкъе яккхара хьалаш, цунца дувзаденнар дикагӀа кхетадар», - аьлар «Сердало» газетага ИнгГУ.
Паччахьалкхен урхалленашка ИИ лелаяр керттера оагӀонаш - хьадеш дар автоматизаце новкъосталца хилийтар, цун хьал довзар. Говзанчаша керттера терко тӀайохийт, ИИца болх беш хилча, нийсдала тарлуш долча кхерамзлен хаттарашта.
Тахан цунца ювзаенна балха говзал юкъеяккхар, кулгалдара даькъ тӀа из болх дӀабахьар, иштта из юкъеяккхарца дувзаденна кхоачамбоацараш довзар лоархӀамеча декхарех цаӀ да. Керда технологеш юкъеяхаро таро лургья тайп-тайпарча цхьанкхетарашца, юкъарлонашца бувзам лелабе.
