Терроризм, экстремизм яхача зуламех дувцаш семинар хилар ИнгГУ
27.11.2025 09:41
Дешара моттигашка терроризм, экстремизм яха зулам даржаргдоацаш дӏабахьа безача балхах дувцаш, кхетаче хилар вай паччахьалкхен университете. Тахан къаьстта лоархӏаме да кагирхошта цу оагӏонца дувзаденнараш хьалхадахар.
«Селий мехкарча муфте Исмаилов Мурада къамаьл дир студенташца. Ше йийшача лекцеца цо белгалдир, саг ший дино яхар деш, наха юкъе барт, машар чӏоагӏбеш, воча хӏамах лоралуш дӏаваха везилга. Иштта «Машарга бода никъ» яха, мехкарча МФЦ кийчдаь, кино гойтар гулбеннарашта», - дийцар «Сердалога» ИнгГУ.
Цу тайпара кхетаченаш кагирхошца дӏакхахьар тахан геттара лоархӏаме да.
