ИнгГУ дӏайихьар бе-беча бераша цхьана дешарах йола кхетаче
Гӏалгӏай паччахьалкхен университете республикан кхетаче хилар, из хетаяь яр тайп-тайпарча бераша цхьана дешара. Цига гулбелар дукха говзанчаш, иштта мехка дешара даькъ тӏара хьал дегӏадоаладара тӏехьа бараш.
«Кхетаче дӏахьош хилара керттера бахьан дар цу лостамагӏа ӏоаяь балха говзал дӏа-хьа екъар, боахамашта, мехкашта юкъера бувзам чӏоагӏбар, иштта дӏахо дешара даькъ тӏа ОВЗ хьал дегӏадоаладар.
Кхетаче дийцар пайда луш йола поалхам мехка дешара юкъеяккхарах, дӏахо тохкама, иштта проектий болх дӏабахьарах», - аьлар ИнгГУ «Сердало» газетага.
Тахан Гӏалгӏай паччахьалкхен университете дика терко лоаттаю дешара даькъ тӏа, вузе болх беш я бе-беча наха цхьана дешара программа, из я могашал яйна студенташ хьаллоацаш.
Университета кулгалхоша дешара программа кхоачашъю дешархошта цхьатарра таронаш хургйолаш, царна дешара хьалаш хургдолаш, хӏара студент профессиональни дегӏавоагӏаргволаш.
