Нохчий мехкарча СПО хьехархой вай паччахьалкхен университете шоай балхацара кхетам лакхбеш хилар
17.09.2024 10:10
«Профессионалитет» яхача федеральни проектага гӀолла, вай мехкарча паччахьалкхен университете шоай балхацара кхетам лакхбеш хилар Нохчий мехкара хьехархой. Цар болх дикагӀа тоабар духьа юкъедаьккха гӀулакх да из. Из хоам «Сердалога» бир университета болхлоша.
«Нохчий мехкарча тоабанца болх дӀабихьараш бар паччахьалкхен университета профессораш - хьехархой. Шоаш дӀахьоча гӀулакхага хьежжа; кхетам лакхбе, кердадараш довза аьттув баьлар цар», - йоах тхогарча хоамо. ЛадувгӀараша дика дӀаелар экзамен, шоай кхетама хьал балхаца хьагойтар. Цо хьахьокх, дешара программа боаггӀача боараме вӀашагӀъелла хиннилга, хьехархоша цунга гӀолла боккха пайда ийцалга.
