Мархий бетта хетаяь викторина дӀайихьар ИнгГУ
06.03.2025 11:29
Бусалба динах йола викторина дӀайихьар вай паччахьалкхен университете. Из хоам «Сердалога» бир из гӀулакх вӀашагӀделлараша.
«Рамадан бетто дукхача дикача хӀамашта наькъаш хьаделл вай дегашта. Экономикахи доал дарахи йолча факультета студенташа дийцар Даьла Элчан (Даьлера салам моаршал хилда цун) вахарах, вай динах шоашта мел дайзар.
ХӀаьта эггара лоархӀаме КъорӀа дешар дар», - дийцар тхога. Дийша саг волча ЧӀасанаькъан Илеза белгалдир вай кагирхошта юкъе Даьла дин довзараш, дезараш, цох доаккхал дераш болга.
Даьла дин лоархӀаш, из довза гӀерташ болча студенташта доккха баркал аьлар цо.
