«Студентий бӀаьсти» дӀайихьар ИнгГУ
27.05.2025 11:19
ЛоархӀаме кхетаче дӀахьош хилар ГӀалгӀай Паччахьалкхен университете. «Студентий бӀаьсти» тӀаийцар кагирхоша, чӀоагӀа дог айденна болаш. Из хоам «Сердалога» бир цу гӀулакха хьалхалаттараша.
«Кхоллама оагӀув боаржабеш, шоай начӀал гучадаккха, шоаш дӀабовзийта кагирхошта аьттув луш кхетаче я из. КВН доакъашхоша сакъердаме, массане дог гӀоздоаккхаш йола сценкаш оттайир. Берригаш раьза болаш, сакъердалуш дӀаяхар из кхетаче», - йоах тхога бенача хоамо.
Геттара чӀоагӀа массане дог айдеш хилар индийски студенташа даь вай къаман халхар. Гуш дар, чӀоагӀа къахьийга цар из кийчдаьлга. Хьехархоша белгалдечох, дегӀаца мел бола низ ураоттабеш, начӀал сомадоаккхаш, сакъердаме кхетаче хилар цох.
