ИнгГУ лаьрххӀа хьайийллар тӏема дешара центр
ГӏалгӀай паччахьалкхен университете лаьрххӀа хьайийллар тӏема дешара центр, цига студенташа Ӏомаергья тӀема говзал, иштта цар таро хургья шоаш хержа болх караберзабе. Центр хьаеллаш дакъа лаьцар ГӏалгӀайчен Кулгалхочо Келаматанаькъан Махьмуд-Ӏаьлас.
«100 гаргга студент укхаза очно дешаш хургва. Дешар царна дӀалоархӀаргда, российски эскаре тӀема амал деш санна. Дешар дийша баьлча, курсанташта тӀема цӀи, диплом, тӀема билет лургда. Студентий, цар хьехамчий аьттув хилба дика, бокъонца болча тӀемхой кийчо е, лакхача боарам тӀа шоай дешар дӀадахьа», - аьлар Келаматанаькъан Махьмуд-Ӏаьлас, из кхетаче ювцаш.
ГӏалгӀай къаман доккхагӀа долча ноахала карагӀдаьннар гуш да; российски герза сий совдоаккхаш, денал гойташ.
Тахан вай бӀухой дӀахохьош ба из никъ, Россе кхерамзлен Ӏалашо еш, мехкахой вахар машаре хилийтара тӀехьаэтта. Вай боккхагӀбарий хьехамаш хьа а ийца, из гӀулакх дӀахохьу студенташа, юххьанца тӀема гӀирс миштаб хьожаш.
